Кыыллаахпыт нэһилиэгэр библиотека төрһттэммитэ 80 сыллаах үбүлүөйүн 5 күҥҥэ тарҕатан бэлиэтээтибит.

Иллэҥэ суох буолан олох сырдаппакка сырыттым.

1943 с. ааҕар дьиэ быһытынан үлэтин саҕалыырыгар Егомин СВ үлэлээбитин архиптан докумуон туоһулуур, библиотека историятын сырдатар анал стендэ оҥоһулунна.

Онтон Митимов ИЕ, Корнилов СП салгыыллар.

1951 с. ааҕар дьиэ библиотекаҕа солбулларынар бастакы библиотекарынан Егоров ИИ үлэлээбитэ биллэр.

Ол кэннэ Чердонова ЛФ., Корнилов ВП., Лукина (Корнилова) ИС (билигин Хаҥалас оройуонугар олорор) үлэлээбиттэр.

Дьэ, уонна 1972 с. кульпросвет училище библиотечнай отделениетын бүтэрэн Корнилова Октябрина Ивановна тутар библиотеканы. Онтон ыла ханна да харыс да халбарыйбакка, 49 сыл кини үлэлиир!  Трудовой книжкатыгар биир эрэ запись баар!

Билигин библиотекаҕа мин, Саха өрөспүүбүлүкэтин культуратын уонна үөрэҕириитин туйгуна, учууталлар учууталлара бэлиэ хаһаайката, нэһилиэк бочуоттаах олохтооҕо Лавернова РЕ үлэлиибин.

Библиотекабыт төһө даҕаны кып кыра дьиэҕэ уйаланан олордор, үлэни киэҥ хабааннаахтык, дириҥник хорутан тэрийэ сатыыбын. Библиотекаҕа, кинигэҕэ, ааҕыыга кыратыттан кырдьаҕаһыгар тиийэ тардар наадатыгар, аныгы үйэ сиэринэн, араас программаллары, бырайыактары нөҥүө үлэни тэрийэ сатыыбыт, үлэни тэрийиигэ библиотекам активыгар тирэҕирэбин.

Кинигэм фондата 7000 тахса, оройуон сельскай филиалларын икки ардыгар биир улахан фондалаах библиотеканан буолабыт.

Дьон ордук сахалыы ааҕар, онон оройуоҥҥа элбэх сахалыы кинигэни аҕалалларын туруорсуу, ону аҕааччыга сырдатыы үлэтин систиэмэлээхтик ыытабыт. Кылгастык итинник.

Оттон, үбүлүөйдээх тэрээһиммитин А.И. Софронов - Алампа "Олох оонньуура" испэктээкили туруоран, ону дьон дьүүлүгэр таһааран саҕалаабыппытын хаартысканан туоһулуубун.

Сиьилии инстаграмна керун