Бүгүн, сэтинньи 11 күнүгэр нэһилиэк библиотеката,
*Сахабыт сирин бастакы президенэ Михаил Ефимович Николаев* төрөөбүтэ 85 сааһын туолар үбүлүөйүн көрсө уонна Өрөспүүбүлүкэбитигэр биллэриллибит Ийэ сылын чэрчитинэн "Ийэҕэ таптал - аҕа баһылык тулааһына" диэн Ульяна Винокурова "Саха бастакы президенэ" кинигэтиттэн, диктаан суруйуутун көҕүлээтэ.

Бу тэрээһин сыала, соруга:
-Саха сирин бастакы президенэ Николаев М.Е. үлэтин, олоҕун сырдатыы.
-Ийэҕэ сыһыан туһунан толкуйу такайыы.
-саха уус уран баай тылын таба суруйуу.
-Ыччаты төрөөбүт тылы үөрэтэргэ, харыстыырга угуйуу, тардыы.
Диктааны  суруйууга оскуола үрдүкү сүһүөҕүн оҕолоро уонна улахан дьон кытыннылар.
Суруйуу түмүгэр 9 кылаастарга:
1м. Кугасова Диана,
2м. Чердонова Аделина,
3м. Федоров Сеня ыллылар.
10 кылаастарга:
1м. Торговкин Вова,
2м. Корнилова Анжела,
3м. Корнилова Софья ыллылар.
Улахан дьоҥҥо:
1м. Макарова Анисия Павловна,
2м. Бекянова Екатерина Михайловна,
3м. Узорова Ньургуйаана Анатольевна ыллылар.
Диктааны
суруйууга кыттыбыт улахан дьон бары даҕаны суруйууга дьоҕурдаахтарын, буочардара үчүгэйин, үлэлэрэ ырааһын бэлиэтээтибит. Кыайыылаахтары уонна тэрээһиҥҥэ кыттыбыт дьоммутугар бука барыларыгар барҕа махталбын тириэрдэбин.  Куруук ити курдук билиигитин хаҥатан, суруйарга сыыһата суох буолары ситиһиҥ , элбэхтик ааҕыҥ, тэрээһиннэргэ кыттыҥ.